Gram Panchayat Development Plan zirhona hawng

0
566
views

Mission Antyodaya hnuaia Gram Panchayat Development Plan chungchang zirhona chu vawiin khan Durtlanga State Institute of Rural Development & Panchayati Raj-ah Rural Development Secretary, Pu Lalhmingthanga’n a hawng a, Mission Antyodaya hi Hnam Pa, Mahatma Gandhi pianchampha kum 150-na, kum 2019 October ni 2-a a lo thlen huna ram chhunga mi rethei ber pawh retheihna khur a\anga khai chhuah an ni theihna tur niin a sawi. Pu Lalhmingthanga chuan Mission Antyodaya hnuaiah hian Mizorama khaw hrang hrang 183 tihmasawn tura \an lak a nih thu te, heng khuaah te hian thianghlimna, faina leh ham\hatna nei tura kumin October ni 1 leh ni 15 inkara beihpui thlak tum a nih thute a sawi bawk. A hawnna inkhawm kaihruaitu, SIRD Director, Pi Maria CT Zuali chuan Sustainable Development Goals tihhlawhtlin nan khaw tihhmasawn dan tur ruahman chu zir chian a \ul thu a sawi.