Gujarat Assembly inkhawmah Congress MLA-in microphone-in MLA dang vawm, buaina chhuak zui

0
391
views

Gujarat Assembly rorel inkhawmah vawiin khan Congress MLa pakhatin BJP MLA Microphone-a a vawm avangin buaina a chhuak. Congress member Vikram Madam chuan zawhna zawh a tum laiin, midangin an lo auh buai zel avangin microphone chu pawh phawi a tum a, House Marshal in house pawn lamah a chhuah tir a, Congress member dang Pratab Dudhat leh BJP member Jagdish Panchal te chu nasa takin an inhnialbuai zui a, Dudat hian mic chu pawt phawngin Panchal vawm nan hian a hmang ta a ni. House chhunga awm, MLA te hi a laiah chhuak khawmin, an in nawrbuai nasa hle a, Speaker chun inkhawm hi a titawp zui a ni. nimin maiah khan Telangana Assembly ah pawh Governor thusawi laiin buaina a lo chhuak tawh a, Komatireddy venkat Reddy chuan headphones hmangin official pakhat chu a mitah a lo vawm sak tawh a ni.