Gujarat BJP MLA hlui Jayanti Bhanushali-a tualthahna thubuaiah mi pahnih man an ni.

0
390
views

January ni 8 khan Jayanti Bhanushali hi Bhachau khua a\anga Samkhiyali sation pan Bhuj-Dadar Express rel-a a chuanlaiin kahhlum a ni a, Director Genreal of Police, CID Ashish Bhatia chuan a kaphlumtute Sasikant Kamble leh Ashraf Sheikh te hi Dang district-a Saputara-a mikhual riahna inah man an nih thu a sawi a, heng mi pahnihte hian thubuai a nei nual tawh tih a sawi. Pawikhawihtute thu an zawhfiahnaah BJP hotu pakhat MLA hlui Chhabil Patel-a leh Manisha Goswami te chuan Bhanushali hi huatna an nei lawk a, tualthahna thlen hma thla hnih kalta khan Chhabil Patel-a hian Mumbai-a an inhmuhnaah Bhanushali hi that turin cheng nuai 30 pek a lo tiam tih an sawi. Chhabil Patel hi tualthahna thlen hma, January ni 2 khan Oman rama Muscat-ah a tlanchhia a, Goswami hi January ni 6 hnuah chin hriat lohin a awm bawk a ni.

January ni 9 khan Gandhidham railway police hnenah Chhabil Patel, a fapa Siddharth Patel leh Manisha Goswami te lakah thubuai thehluh a lo ni tawh a, Bhanushali vahpa Sunil Bhanushali sawidan chuan Chhabil Patel hian kum 2014 leh 2017-a inthlanna neiha a tlak khan Bhanushali hi a mawhpuh a, politics a\anga bantir tumin Chhabil leh a ho te’n Bhanushali leh hmeichhe pakhat an awm dunlai video te an siam a, politics bansan a tum chuan si loh avangin thah tumin ruahmanna hi a siam ta niin a sawi. He ruahmannaa Chhabil Patel-a puitu, Nitin Patel leh Rahul Patel-a te January ni 27 khan man an lo ni tawh bawk a ni.