Gujarat CM atan Vijay Rupani

0
715
views

Vijay Rupani chu Gujarat CM a ni zui dawn a, Nitin Patel pawh Dy CM a ni zui dawn. Tun hnaia state Assembly inthlan result puan a nih hnuah, sorkar hotu turte hi thlan an ni ta a, sorkar thar hi kar leh Thawhlehni khian lak luh a nih rin a ni. Gujarat-a BJP MLA atana thlan tharte hi an party hruaitu – Arun Jaitley leh Saroj Pandey te kaihhruaina hnuaiah an \hu khawm a, Vijay Rupani leh Nitin Patel hi lungrual taka thlan an ni a, rawtna dang a awm lo niin Pu Jaitley-a chuan a sawi. Rupani leh Patel-a hian sorkar ding lai hun chhunga Patidar hnamin lungawi lohna an lantir lai te, Dalit hnamin an thil ph<t an lantir lai leh harsatna dangte thlen vanglai, thla 16 chhung khan sorkar an lo kaihruai tawh a, nikum August thla khan state CM, Anandiben Patel-i chu Pu Rupani-a hian a thlak a ni. Sorkar thar kaihruai tura thlan an nih leh hnuah hian hruaitu pahnih hian an chhungte hruaiin Ahmedabad-a Jagannath Temple leh Bhadrakali temple an tlawh a, an \awng\ai nghal a ni. Puan tawh angin, tun hi Gujarat-a BJP kaihhruai sorkar, a zawna vawi 6 a dinna tur a ni a, tun \um inthlanah khan thuneihna chang leh mah se, tun hmaa an dinhmun an ph^k loh avang leh, Congress-in nasa taka hma an sawn avangin, CM hi thlak tumna a awm nia sawi a ni a, a tawpah erawh chuan BJP hian an hruaitu ngaite bawk an thlang leh ta a ni. An party-a Gujarat enkawltu, Bhupendra Yadav leh BJP National President, Amit Shah chuan, thuneihna an chan leh chuan Rupani hi CM a nih leh tur thu, a hmain an lo sawi tawh bawk nia hriat a ni.