Gujarat leh Himachal Pradesh-ah hian sorkar thar siam dan tur buaipui zel a ni a, Gujarat-ah chuan CM ni lai, Vijay Rupani chu CM ni zui mai tura ngaih ni mah se, a hmaa an dinhmun an ph^k t^k loh avangin CM thlakna remchangah party thuneitu sangin an ngai mai thei nia sawi a ni a, puan tawh angin, thuneitu sangte chuan CM thar tur thlanna buaipui tur hian Union Finance Minister, Arun Jaitley leh party hruaitu dangte an tir a, lungrual tlanna an zawn rin a ni. An President, Amit Shah-a chuan Rupani hi CM a nih zui tur thu a sawi tawh niin mi \henkhat chuan an sawi a, an hruaitu \henkhat chuan tuna CM thl^k chu a fuh an rin loh thu an sawi bawk. Vijay Rupani hi Amit Shah hian a duhsak nia sawi a ni a, CM thl^k a nih chuan Amit Shah tan pawh amah rin t^wk lohna ang hiala ngaih theih tur nia sawi a ni. BJP hruaitute hian a hmaa mi langsar lem lo pawh CM atana thlan an ching a, UP-a Yogi Adityanath thlan a ni te, Haryana-a Manohar Lal Khattar thlan a ni te leh, Gujarat-ah pawh a hmaa CM, Anandiben Patel thlak tura Vijay Rupani thlan a ni te kha rin l^wk loh a ni.
Himachal Pradesh-ah pawh CM tur hi inrinsiak mek a ni a, BJP CM candidate, PK Dhumal-a chu inthlanah a tlin t^k loh avangin, Nirmala Sitharaman-i kaihhruai, an party thuneitu sang mi tirhte ngaihchan mek an ni. Anni hian an party a\anga MLA atana thlan, mi 44 an titipui ang a, CM thlanna pawh an buaipui ang. PK Dhumal-a hi tla mah se, thlan tlinte zingah an bial ken inhuam an awm nual avangin CM-ah dah theih tho a ni a, Union Health Minster, JP Nadda leh he state-a BJP hruaitu hlun, Jairam Thakur-a hming pawh a ri tho bawk a ni.
