Gujarat sorkarin Sardar Vallabhai Patel hriatrengna milim hawn tum

0
362
views

Gujarat-a BJP sorkar chuan milim metre 18-a sang, Statue of Unity tia vuah, Sardar Vallabhai Patel hriatrengna puala a din chu a piancham October ni 31-a hawn a tum. India Home Minister hmasa ber, Vallabhai Patel hriatrengna puala siam milim, Statue of Unity tia vuah hi Sadhu Bet hmunah siam a ni a, Gujarat Chief Secretary JN Singh chuan milim siam mek hi tlawhin, October ni 31 a hawn hman tum a nih thu a sawi. Prime Minister Narendra Modi in a ngaihpawimawh tak, statue of unity din hna hi kum 2013 October ni 31 khan a lungphum phuma thawh tan a ni a, cheng vbc 3,000 zet senna tur he project lungphum hi khatih hunlaia Gujarat Chief Minister Narendra Modi a’n a phum a, India independence hlima lal ram 462 zet suihkhawma ram pakhata siamtu Sardar Vallabhai Patel chawimawina tura duan a ni. Statue of Unity hi khawvela milim sang ber ni tura duan a ni.