Iran thuneitute chuan nuclear chungchang sawihona boruak chu a \ha lam zawngin a kal niin an sawi. Kum 2015-a nuclear ralthuam chungchanga Iran leh Europe ram dangte inremna siam a\angin nikum khan US chu a inhnukdawk a ni.
Ram hrang hrang hruaitute \hukhawm hian boruak sosang tireha kum 2015-a inremna, Joint Comprehensive Plan of Action a ngai anga kalpui leh theih dan tur an sawiho a ni.
Iran Deputy Foreign Minister, Abbas Araghchi chuan sawihona boruak a \hat thu a sawi a, amaherawhchu, thil zawng zawng an tifel vek lo va, intiamna erawh a tam hle thung a ni a ti.
China ram aiawh, FU Cong chuan ram hrang hrang hruaitute chuan Joint Comprehensive Plan of Action venghim tura hmalak an intiam thar tih a sawi a, US-in he inremna a chhuahsan chu \ha an tih loh thu an sawi chhuak tih a sawi.
Tun thla tir lam khan UK, France leh German ram hruaitute chuan Gulf-a buaina chhuak \hin chu tihtawp dan tur zawn a \ul thu an lo sawiho tawh a, ram leh ram te inzahtawn thiam a ngai tih an sawi.
Iran chuan nuclear ralthuam leh uranium sawngbawl chungchangah a chunga khuahkhirhna lek chu a hlen lo tia ramdangten an puhna chu a pawm a ni.
