Gurmeet Ram Rahim Singh-a fanu, Honeypreet Insan-i’n a pa an puhna chu thu tling lo niin a sawi

0
347
views

Haryana-a sakhaw pawl pakhat, Dera Sacha Sauda hruaitu, pawngsual thubuai avanga lung in tang mek, Gurmeet Ram Rahim Singh-a fanu leh a thachhang dawltu, hun eng emaw chen bibo tawh, kum 36 mi, Honeypreet Insan-i chuan amah kawmtu, thuthar la khawmtute hnenah a pa nena dan bawhchhiaa puh an nihna chu thu tling lo vek niin a sawi a, vawiin khan Honeypreet-i hi Haryana court-a inlan tura tih a ni a, police eng emaw zatin court-ah an nghak a ni. Honeypreet-i hi Ram Rahim-a lung in a\anga hruai chhuah tumah leh sorkar thupek zawm lova puh a nih bakah, tharum thawhna chawk tho zawnga che-ah puh a ni a, August ni 25-a Ram Rahim-a thiam loh chantir a nih hnu khan a awmna chin hriat a ni lova, Panchkula police hotu, AS Chawla chuan tun thlengin awmna hi an la hriat loh thu, vawiin khan a sawi a ni. Honeypreet-i hian News 24 hnenah a pa, Ram Rahim-a chu hmeichhiate dinhmun chawisangtu niin a sawi a, amah vang hian hmeichhe tam takin chakna thar an neih phah nia sawiin, heti chunga pawngsual thubuaia thiam loh chantir a ni chu mak a tih thu leh, Punjab leh Haryana High Court hmaa inlan pawh a hnial loh thu a sawi bawk.