Hachhek biala All NGO Coordination Committee in Mizoram Assembly inthlanna neih turah Hachhek biala Mizo ngei thlantlin a nih theih nan Party hrang hrang pawm tlan theih, common candidate siam rawt an tum.

Hemi chungchanga an hmalakna bawhzuiin nizan khan Rengdilah Party hrang hrang Block hruaitute an inhmukhawma, vawiin khan heng mite hian Aizawla Party hrang hrang hruaitute dawr turin Aizawl an lo thleng a ni. Taitesena Group YMA President, Pu Lalrinsanga Ralte chuan ZONET zawhna chhangin tuna he biala thil awmdan enin vote nei zinga ram leilungfa dik tak chu leilungfa dik tak ni lote aiin sangli velin an la tam zawk a, amaherawhchu, party lian ho innekna karah midang tling thei an awm theih avangin hetiang rawtna hi siam an tum niin a sawi a, an tin zawn dan chuan party hrang hrangte pawm tlan theih tur candidate atan Central YMA hruaitute zing ami zawn ni se an ti a ni. Hachhek bialah hian party pakhatin Tuikuk Candidate dah tumin hma an la mek nia sawi a ni.