Hafiz Saeed-a’n a firfiak zinga telh tawh lo turin UN-ah dil

0
582
views

Pakistan rama Lashkar-e-Taiba mi firfiak pawl nena inzawm, Jamaat-ul-Dawa hruaitu leh kum 2008 November ni 26-a Mumbai-a mi firfiakte pawi khawihna rapthlak taka mawhphurtu nia sawi, Hafiz Saeed-a chuan puh a lo nih tawhnate chu Pakistan ram court-ah pakhatmah finfiah a la ni lo nia sawiin, khawvel pum huapa mi firfiak hnawksak zinga telh tawh lo turin UN hnenah dilna a thehlut. Puan tawh angin, Saeed-a hi Pakistan sorkarin pawn chhuak thei lova thla 10 a hren hnuah ni 23 khan Pakistan court chuan chhuah zalenna tur thupek a siam a ni.