Haiti-ah lungawi lohna lantirtute hnawh darh nan Police ten mittui tlakna hlo leh silaite an hmang.

0
331
views

Haiti ah hian Sum leh pai dinhmun tla hniam zel leh mihring khawsak harsa zel avangin mipuite an lungawi lo a, tuialhthei leh eiturah mipuiten harsatna an tawk nasa a, thil man a sang chho chak hle bawk a ni.

Mipui tam takin President Jovenel Moise chu inhnukdawk turin an phut a, tunhnaia mipuite leh police te innawrna thlengah mi 4 in nunna an chan tawh a, midang tam tak an hliam a ni.

Nimina lungawi lohna lantirna hi thla khat kalta chhunga a lian tham ber a la ni a, Delmas leh Petion Ville ah te chuan mipui thinrimin dawr tam tak an rawk a, bank leh pawisa inthlengna hmunte pawh an luh chhilh bakah in \henkhat an hal a ni. Port-au-Princes bula awm Cite Soleil ah chuan police station ram tawh mipuiten an suasam bawk a ni. Port-au Prince ah chuan boruak a \ang hle a, sorkar pisa leh sumdawnna hmunte khar a ni a, khualzin phur lirthei chevel pawh hmuh tur a awm lo a ni.