Medical college 14 leh sorkar damdawiin zawng zawngah dan pangngaiin doctor ten an hna an thawk a, Kolkata pawn lama hnathawk \hin doctor tam tak chu lungawi lohna lantir chhung hian Kolkata ah an kal khawm avangin heng mi te zingah an hna la zawm ve hman lo an awm nual a, an hmun \heuh an thlen veleh dan pangngaiin an chhunzawm dawn tih doctor te aiawha thupuangtu chuan a sawi.
Junior Doctor te hian Chief Minister Mamata Banerjee an hmuh hnuah an nawrh hi an titawp a, CM hian doctor te sahimna turin a \ul anga hmalak a tiam a ni. Doctor rual te hi Kar kalta Thawhlehni a\ang khan an nuar \an a, NRS Hospital and Medical College-ah dam lo pakhat a thih avanga lungawi lo a chhungten doctor pahnih kut an thlak vangin doctor te hi an nuar a, doctor te himna chungchangah hian Dan \ha zawk siam phutin West Bengal Doctor te nawrhna hi India ram puma doctor inzawmkhawm pawhin an thlawp a ni.
