Eptu party te hian hmun hnihah lungawi lohna lantirin, Gandhi-a lim bulah an intawk khawm a, Rajya Sabha-ah chuan Congress, Left, TMC, SP, BSP leh DMK ten tharum thawhna thleng hi an au chhuahpui avangin Rajya Sabha Chairman M Venkaiah Naidu chuan chawhnu dar 2 thleng rorel inkhawm a ti tawp a. Lok Sabha ah pawh Speaker Om Pradash Birla chuan eptute chu tharum thawhna thleng chungchang sawi rih lo tura hrilhin, sunna hun hmanpui a tum a, eptute an au chhuah zel avangin rorel inkhawm tihtawp a ni.
Opposition MP te hian ni 4 chhunga mi 26 thihna, Delhi-a tharum thawhna thleng chu sawiho an phut a, Rajya Sabhaah chuan eptu hruaitu Ghulam Nabi Azad chuan sokar laipui chu ni 3 chhung tharum thawhna a thlen laia mutthluksanah a puh a, Congress party chuan thil awmsan sawifiah turin Prime Minister Narendra Modi an phut bakah Home Minister Amit Shah chu bang turin an phut a ni.
