Union Minister for Urban Development, Hardeep Singh Puri chuan sorkar laipuiin kum 2022-a ram mipui zawng zawng chenna in neih tir vek tumna, Pradhan Mantri Awas Yojana chu a hlawhtling ngei dawn niin a sawi. Hardeep Singh chuan PMAY hi hmeichhe dinhmun chawisanna atan sorkarin a hman nghal tur thu leh an in sak zawng zawng pawh chhungkaw nu ber hming zela dah a nih tur thu a sawi bawk a, state hrang hrang khawpui lian zualah chenna in nei lo mi mtd 18 awm anga chhinchhiah thin pawh, mtd 11-a a tlak tawh thu leh, in nuai 37.45 sak belhna tur sum pawh dahhran a nih tawh thu a sawi bawk a ni. Hemi chungchangah hian Lok Sabha MP, KC Venugopal chuan bank ten mi rethei hnena sum an puk tir duh thin loh vangin PMAY hi a hlawhchham niin a lo sawi tawh a, a tlinna Karnataka-ah phei chuan PMAY hnuaiah hian in sak tura ruahman nuai 3.3-ah 38,000 chauh sorkarin a la sa puitling niin a sawi bawk a ni.
Chanchin Thar Hardeep Singh Puri-a’n PMAY hlawhtling hle niin sawi
