Health Dept huaia Food Safety lam thuneituten eitur sawngbawlna atana hman uar tak pakhat ajinomoto hman danah fimkhur turin mipuite an chah.

0
228
views

Food Safety Deputy Commissioner Dr Lalsawma chuan tunlai hian Mizoramah ‘Ajinomoto’ tih hmingpu, ei atana zawrh leh hralh chhuah chi hnih a awm tih a sawi a, pakhat chu ram pawn atanga FSSAI phalna hnuaia dan ang thlapa Ajinomoto India Private Limited Chennai-in a lakluh a nih laiin pakhat dang leh chu phalna awm lova lak luh leh zawrh a ni a, a label pawh Food Safety & Standard Act 2006 leh Rules & Regulation, 2011 te kalh a ni a ti.

Food Safety Dy Commissioner hian FSSAI phalna hnuaia Aninomoto India Pvt Ltd lakluh chu ei atana him tura ngaih a nih laiin dan lova lakluh Ajinomoto erawh ei loh a him tih a sawi a, Ajinomoto lei tur reng rengin a hma lam emaw, a hnung lam emaw ngun taka ena ‘FSSAI’ label a chuan leh chuan loh fiah hmasa tur leh a chuang lo chu lei lo turin a chah a ni.