Vawiina Hnahthiala an party-in Campaign bul \anna inkhawm an buatsaihah thu sawiin Dr R Lalthangliana chuan, tun hnaia Assembly in a pass tak Budget bu chu Hnahthial, Saitual leh Khawzawl ten District an neih na tura tihnghehna a nih thu a sawi a, a bu a mi lo pawh District-in kentel tam tak a neih thu sawiin Department hrang hrangah bul\an tur tam tak a awm a, tuna District bul \anna tura pawisa dah chu thla 4 chhung atan chauh a ni a, dah belh zel tum a ni a ti.
SEDP chungchang sawiin Dr R Lalthangliana chuan Budget-a lang lo tam tak hmuh tur a awm dawn niin a sawi a, SEDP chu sem satliah a ni dawn lo a, project behchhana kalpui tur a ni a ti a, Health Care Scheme-ah cheng vbc 50 aia tlem lo dah a ni dawn tih a sawi bawk. Dr R Lalthangliana chuan, Lok Sabha inthlan lo awm tura an party Candidate Pu C.Lalrosanga chu mithiam, sakhaw mi tak a nih thu sawiin sorkar tha tichak tu tur a ni a ti.
Dr R Lalthangliana hi mipuiin kawngdungah an lo hmuak a, District tihpuitlin anih dawn avanga lawmthu sawina Chief Minister leh ama hnenah an hlan a, chawimawina pangpar an hlan bawk a ni.
