Hetihlai hian Chief Minister Pu Zoramthanga chuan Rajya Sabha \hutkhawmna tihtawp a nih avangin Citizenship Amendment Bill 2016 chu Parliament-ah a tlang ta lo niin a sawi a, hei hi thil lawmawm tak a ni tih a sawi.

0
431
views

Pu Zoramthanga chuan, Rajya Sabha rorel inkhawm chu tiamchin awm lovin vawiin khan tihtawp a ni ta tih sawiin tuna sorkarah hian he bill hi ngaihtuah tawh lohin a awm dawn niin a lang a, hei hi hmarchhak bial mipui te hmalakna rah a nih bakah Mizorama kohhran hrang hrang, tlawngaipawl hrang hrang, Political party hrang hrang leh sorkar ten lungrual taka antheihna zawng zawng hmanga an dodal vang niin a sawi a ni. Pu Zoramthanga chuan, sorkar laipuiin he bill pass a tum hi pass a nih loh nan Prime Minister Pu Narendra Modhi hmuin hmaichhanah a ngen thu te, Union Home Minister Pu Rajnathsing pawh vawi hnih lai a hmuh thu te a sawi a, Guwahati a North East regional party meeting neihah pawh State dang hruaitu te nen he bill hi an dodal sorkar laipui an lo hrilh tawh thu a sawi bawk.