Hetihlai hian eptu pawl, congress \halai chuan Agriculture Minister hi loneitute, manganna khura hnuklut mekah an puh thung a, pangang puang tur hi kumin February thla khan central sorkarin Mizoram sorkar a hriattir lawk tawh a ni an ti.

0
312
views

Congress \halai hian hetianga hriattirna dawng lawk chunga mipuite hnena hriattirna leh inrinlawkna tur engmah puang chhuak lovah Agriculture Minister hi an puh a, a khawih chhiat theih thlai chin loh tur chi pawh puanzar lawk a ni lo chu a vanduaithlak a ni an ti a, Agriculture Minister chu vawiin thlenga a Department Officer-te pawh thlai chin dan tur Cropping Programme la siampui loah an puh bawk. Congress \halai hian kumin February thla daih tawh-a sorkar in pangang puang tur a hriat lawk tawh laia thla thum hnu-a Agriculture Minister in Rapid Response Force a din chauh leh Central-a \anpuina an dil thu a sawi chu kuthnathawktute hmuhsitnaah an puh bawk a, Mizoram sorkar chu loneitute manganna hriatpui-a Emergency puanga buaipui turin an phut tih an sawi.