MPCC leh ZPM hruaitute hi vawiin chhawhnu dar 1 khan Congress Bhavan-ah an inkawm a, Mizoram Lok Sabha inthlanpui a hmachhawn tur leh Aizawl West I biala Assembly Bye Election neih turah India rama sakhaw zalenna leh intluk tlanna a awm zel theih nan Mipui Candidate siam ni se an ti a, mipui aiawha ding tur pawh a rang thei ang bera ngaihtuah nghal ni se an ti a ni.
Vawiina MPCC leh ZPM hotute inbiaknaah hian Congress lam aiawhte chu MPCC Treasurer, Pu H. Liansailova’n a hova, a ni bakah hian MPCC General Secretary, Pu C. Chawngkunga, Congress Campaign Committee Chairman, Pu Zodintluanga MLA, Minister hlui Pu PC Lalthanliana, leh Pu Lalsawmliana an tel a. ZPM lam chu ZPM leader, Pu K. Sapdanga’n hovin, Steering Committee Sr. Vice Presidet, Dr. Kenneth Chawngliana, Caucus member, Rev. Darchungnunga an tel a ni.
