Higher Secondary School zirlaite leh a chung lam zirlaite fuihna inkhawm Lawngtlaiah nei

0
1107
views

Central YLA leh RMSA, Lawngtlai District buatsaihin vawiin khan Central YLA Hall-ah Lawngtlai khawpuia Higher Secondary School zirlaite leh a chung lam zirlaite fuihna inkhawm neih a ni a, a hmanpuitu, AH&Vety Minister, Pu C. Ngunlianchunga chuan hnam leh hnam nun zahpui lo tur leh humhalh tlat tur leh, kut tling lova hausakna ngaisang lo turin zirlaite chu a fuih a ni. RMSA Deputy District Project Coordinator, Pu Lal\anpuia Hnialum-in he programme buatsaih a nih chhan chu zirna lama hmasawnna atan niin a sawi a, Lawngtlai East bialtu MLA, Pu H. Zothangliana, LADC CEM, Pu T. Zakunga leh Central YLA President, Pu J. Sangthangpuia pawhin thu an sawi a ni. He inkhawm hi Central YLA Secretary, Pu JH Lalrindika’n a kaihruai a, Higher Secondary School zirlaite bakah Govt. Lawngtlai College zirlaite, University zirlaite, competitive exam bei tura Coaching kal mekte an tel a ni.