Higher & Technical Education Minister, Dr. R. Lalthangliana’n nimin khan Govt. Lunglei College leh Govt. J. Buana College te a tlawh.

0
276
views

Govt. Lunglei College a tlawhnaah Principal, Pu LH Rothanga leh a thawhpuiten lo dawngsawnga, tun hmalam khan chhimlam chu zirnaah an sang \hin a, amaherawhchu tun hnaiah an tlahniam ta nia sawiin, tunlai technology leh thiamna mila zirna kalpui a ngai tih sawiin zirtirtute leh zirlaite chu heng thil thar te hmang \angkai thei tura intuai hriam turin a fuih a ni. Zirna in building \ha piah lamah compound chhung chu zirlaite tan chenna hmun nuam ni tura siam a \ul niin a sawi a, kum 5 chhunga College ruhrel leh mamawh bulpui din chhuak tura ngaihtuahna hmang turin zirtirtute chu a fuih a ni.

Hemi hnu hian Govt. J. Buana College a tlawh leh a, Principal Prof. J. Zorema leh a thawhpuiten an lo dawngsawng a, thusawiin Minister chuan zirna lamah Lunglei District chu a hnufual avangin Mizoram Public Service Commission hnuaia examna leh UPSC hnuaia Central Service examnaah tling an tlem a, hei hi inenfiahna tur a ni tih sawiin, kum tin heng College a\anga pass chhuak pahnih emaw, pathum emaw tal Mizoram tana mi pawimawh ni turin chherchhuah a ngai niin a sawi a ni.