Hindu ten Durga Puja an hman chhoh mekah vawiin khan \hatnain sualna a ngam ni, Dussehra hman a ni.

0
291
views

He ni hi Vijaya Dashmi tia hriat a ni bawk. Hei hi Sualna lalpa Ravana, \hatna lalnu, Durga-in a hnehna ni a ni a, Durga Puja tawp ni a ni bawk. Hmun danga tih ang bawkin Mizorama Hindute chuan an pathian nu, Durga lim chu tuiah an paih a ni. Hindu sakhaw betu tam tak chuan Durga Puja hi tun thla ni 10 a\ang khan vawiin thlengin an hmang a, hemi chhung hian Pathian nu, Durga, \hatnaa sualna ngamtu, chakna pathian, Shakti Matta an tih bawk chu mihringte zinga chenga, malsawm turin an kova, an zinga a chen theih hun tawp hnu, Dussehra hman hnuah a awmnaa let leh turin tuiah an thlak \hin a ni. Aizawlah chuan Durga Puja hi Babutlanga Shakti Mandir-ahte, Bawngkawn, Khatla, Bungkawn leh hmun danga Shif Mandirah te, |huampuia Om Mandir-ah te Durga Puja hi zanin thlengin an hmang dawn a ni. Mizoram hmun dangah pawh Durga Puja hi hman a ni a, Lawngtlaiah chuan Durga Puja hi Thawhlehni a\ang khan Krishna Mandir-ah hman \an a ni a, nimin thleng khan Maha Saptami, Maha Ashtami, Maha Navmi hman a nih hnuah vawiin khan a tlangkawmna, Dussehra hman a ni. Lawngtlaiah hian Lawngtlai khawpui chhunga mite bakah khawdang a\anga kalkhawm Hinduten puja hi an thawmhnaw neih \hat ber berte inbelin an hmanga, vawiin chawhnu khan Durga lim chu Chhimtuipuiah an paih a ni.
An pathiannu lim an paih zawh hian Mandir-ah let lehin malsawmna dilin an \awng\ai leh a ni. Lawngtlaia Zonet Reporter sawi danin Lawngtlai leh a chhehvelah hian Hindu sakhaw bia mi 1,000 vel an awm a ni.