Gimbel-a hla phuah zingah hian Killing Me Softly tih hla, Roberta Flack leh Fugees te bakah midang tam takin an larpui te, TV series pakhat Happy Days tih-a hla chi hrang hrangte a tel a ni. Gimbel hi December ni19 daih tawhah khan a chenna in California-a Montecito ah a thi tih a fapa Tony Gimbel chuan Hollywood Reporter a hrilh a ni.
Music lama sulsutu pawl BMI chuan Gimbel-a hi an sun thu sawiin, hla phuahthiam ropui tak a ni a, a chhungte leh amah ngaisangtute tan channa nasa tak a ni an ti. Norman Gimbel hi Brooklyn-a piang a ni a, solo-a sak chi hla tam tak a phuah bakah Television leh film lama sak lar hla tam tak a phuah a, kum 1984 khan Songwriters Hall of Fame ah dahluh a lo ni tawh nghe nghe a ni.
