Lianpui khuaa Historical Sites and Monument Preservation Committee-in nimin khan an khaw mi, hla phuah thiam Suakliana chawimawina lung chu amah an phumna, Suakliana thlan tlang-ah an phun a. He lungphun hi bialtu MLA, Pu T. Sangkunga’n a hawng a ni. Lungphun hawnnaah hian Lianpui bakah Lianpui khawchhuak, hmun hrang hranga awmte an tel a. Hemi pual hian Nilaini zan khan Pu Suakliana fapa, Pu Zatawna te inah Suakliana leh a hla phuah-te tih thu, Pu B. Lalthangliana ziah zirho a ni a, nizan khan Suakliana Memorial Concert buatsaih a ni bawk. Nimina Suakliana lungphun hawnna inkhawm hi Champhai Bawrhsap, Pu Vanlalngaihsaka, PHE SE, Pu Lalrammawia leh mi dang eng emawzatin an hmanpui a ni.
