Hlimen leh Melthum inkarah Tipper chesual, mi 2 thi

0
641
views

Nizan khan Melthum leh Hlimen inkara Rawra herna khawla lung pe tur, Tipper pakhat a chesual a, a hmunah motor khalhtu, Lalzema, kum 37, PC Vanlaldika fapa, Melthum leh a mi phurh, Lalrawngbawla, kum 34, South Hlimena Ramsangliana fapa an thi. Kulikawn Police Station a\anga thu dawn danin he Tipper, MZ-01/A-7444 hian lung herna hmuna dah tur lung a phur a, kawng chhaka a dahna hmuna a kual chho tur chu a kual zawh loh avangin a tawlh let a, a lung phurhin he motor hma lam chu a buk kàn avangin kawng thlang lamah a khaikhupin a tla ta a, chu chuan a chhunga awm mi 2 chu a delh zui a, lak chhuah harsa khawpin a delh bet a, Hlimen leh Melthum YMA member-te leh Police ten nasa taka an beih hnuah nizan zanlai pelh hnu khan an la chhuak thei hram a ni. Ruang hi vawiin khan Aizawl Civil Hospital-ah endik a nih hnu-ah vui a ni. He motor hi Zarkawta Pu Lalrozama ta a ni.