Hmarchhak state-te’n Citizenship Bill pass lo tura sorkar laipui an ngen laiin PM Narendra Modi-a erawh chuan he Bill hi West Bengal-a a campaign-naah a fak zawk a ni.

0
420
views

PM Modi hian Thakurnagar-a BJP inthlan Campaign \annaah mipui hmaa thusawiin Citizenship Amendment Bill chu \henawm ram danga tihduhdah tuar Hindu, Sikh, Buddhist, Parsi leh Christian te chuan an awmna ram tlansanin, India ramah an zawng thei dawn niin a sawi a, India ram lo chu himna tur ram dang an nei lo niin a sawi bawk a, chuvangin he bill hi heng mite mamawh a ni tih sawiin, he Bill hi Rajya Sabha-a chhawpchhuah a nih hunah thlawp turinMamata Banerjee leh Trinamool Congress te chu a ngen a ni.

Hmarchhak state-ah hian BJP hian Lok Sabha-ah seat 25 a nei a, amaherawhchu an thawhpui party \henkhat te chuan an inzawmna te an tichat a, hnathawk \henkhatte’n bill hi pass a nih chuan banna an thehluh tur thu an sawi bawk a ni. PM Modi hian ram chhung mite aiin ramdang a\anga Indiaa pem lut a ngai pawimawh zawk nia sawiin, ram chhung mite ngai pawimawh hmasa se an duh tih an sawi a ni.