Champhai Dist. Additional Sessions Judge, Pu R. Vanlalena Court-in Khawzawl khaw mi, hmeichhe naupang kum tling lo pawngsualtu, H. Lalrova, kum 47 mi, Thanchungnunga fapa chu kum 20 chhung hrehawm taka lung in tang turin nimin khan a chungthu a relsak. H. Lalrova hian kum 2012-13 chhung khan hmeichhe naupang pakhat chu a duh lo chung a mutpui \hin a, he hmeichhe naupang hian a thil tawn rapthlak tak hi a sawi chhuah ngam loh avangin hun rei tak, hriat chhuah lohin a awm a, amaherawhchu, he hmeichhe naupang hian a thil tawn chu nikum July thla khan a nu a hrilh ta a, a nu chuan Khawzawl Police-ah FIR thehlutin dan anga bawhzui turin Police te a ngen a, pawngsualtu hi mana thubuai siamsakin hetiang hian a chungthu rel a ni ta a ni.
