Sorkar laipui Ministry of Women & Child Development ruahmanna siam angin District hrang hrangah tlawmngai pawlte enkawl turin Swadhar Greh hi hawn a ni a, Serchhip ah hian MHIP Sub Hqrs Serchhip in an enkawl dawn a, he hmunah hian hmeichhia tihduhdah tuarte leh harsatna tawkte enkawl theih an ni ang a, mi 30 awm theihna tura duan a ni. He hmunah hian hmeichhia harsatna tawkte chu an dinhmun a zirin kum 5 thleng an awm thei dawn a ni.
Swadhar Greh hawnna inkhawm hi Serchhip MHIP Sub Hqrs President Pi Lalhmingpuii’n a kaihruai a, bawrhsap Pi Sangchin Chinzah bakah MHIP Hqrs President Pi Lalthlamuani leh Serchhip CDPO Pu R.Lalbiakliana ten thu an sawi a ni. Hawnna inkhawmah hian Serchhip SP Pu R.Sathya Sundaram leh sorkar mipawimawh dangte bakah tlawmngai pawl hruaitute an tel a ni.
