Hmeichhia te chawikanna tur leh an himna tur inzirtirna chikhatah Mizoram State Commission for Women in nizan khan Aizawl khawpui chhungah kawng zawh a huaihawt.

National Commission for Women, New Delhi bul tuma kawng zawh Power Walk tia vuah hi State dangah chuan Pathianni zan khan neih a ni a, Mizoram State Commission for Women chuan nizan khan kawngzawh hi a huaihawt thung a ni. Hmeichhiate dikna leh chanvo humhalhna atana hmalakna pakhat a nih bakah khawpui kawtthler te hmeichhe awmnem zawkte tana a him theihna tur te, kawtthler te chu mipate tan chauh ni lovin hmeichhiate tan pawh a ni tih lantirna tur te, zan thim hnuaiah pawh hmeichhiate thlamuang taka kea an kal theihna tur te in kawngzawh hi huaihawt a ni a. Aizawl Bishop Most Rev. Stephen Rotluanga’n Millenium Centre-ah hunserh hmangin kawngzawh hi Pathian hnenah a hlan a, Vanapa Hall kawtah malsawm tawngtaina-in a \in leh a ni.