Hmeichhiate chungchang mawi lo taka sawi hona Instagram group member, zirlai pakhat chu Police ten Delhi ah an man a, midang pawh chhui zui mek an ni.

0
24
views

Heng zirlai rual hian Instagram-a an \hianhova an inbiaknaah hmeichhe pawngsual chungchang leh hmeichhiate rahbehna lam hawi an sawiho a, an \hianho inbiakna group hming chu Bois Locker Room tih an vuah a ni.

He group-ah hian zirlai mipa 100 vel an awm a, mi 20 vel an titi tlangpui nia sawi a ni a, Delhi Police Cyber Cell chuan an man tak zirlai phone pawh chu an zirchiang mek a ni. Heng zirlaite hi class 11 leh 12 zirlaite an ni a, zirlai hmeichhe pakhat pawngsual chungchang an sawiah hian mi 5 vel an inhnamhnawih nia hriat a ni.

Bois Locker Room-a an zirlai 20 rual vel inbiakna, social media hrang hrangah a darh nasa hle a, Delhi-a college zirlai pakhat kum 19 mi chuan mipa rual inbiakna-a a thlalak a hmuh ve avangin Police hnenah a report a, police te chuan he thil thleng hi an bawhzui nghal a ni.