Home Minister a\anga a ban hnua, Congress Party a\anga hnawh chhuah zui ni ta, Pu R Lalzirliana’n Saitual mipuite hmaah vawiin khan thu sawiin District pe theitu chu Congress chauh a ni lo a, inthlanpui lo awm turah Saitualah chauh ni lovin an bawh lam apiangin sorkarna an siam a rin thu a sawi.

0
394
views

 

Pu R Lalzirliana hi Saitual Dist Implementing Demand Committee in chawimawiin Tawllohpuan an bah tir a, an thlawp tih lantir nan ding chungin an kut dinglam an phar bawk.

Chawimawina inkhawm hi vawiin chawhma lam khan Saitual Auditorium ah neih a ni a,
Saitual District Implementing Demand Committee Chairman Pu Rohmingliana kaihhruaia pungkhawmte hian thuchhuah an siam nghal a, an bialtu Pu R Lalzirliana’n Home Minister anihna a kalsan ngam chu ropui an tih thu leh Party a\anga hnawhchhuah a tawk erawh an tawrhpui thu an sawi a, DC tel lo chuan inthlan lo awm turah candidate dah lo law law tura Congress party an ngen thu te, sorkar dinglai chuan Saitual District function tir chu a bat nia an ngaih thu te an tarlang a, kum 44 chhung Saitual District function turin an lo bei tawh niin an sawi a, District tih tak zeta dil rei ber niin an insawi.

SDIDC chuan INC President Pu Rahul Gandhi leh Chief Minister Pu Lal Thanhawla te pawhin District function tir hi an lo tiam tawh tih an sawi a, congress party chhiat lai ber pawha khaidingtu bial an nih thu sawiin, CM pawhin Saitual a\angin Development kan \an ang tia a lo sawi tawh chu congress party chuan a hlamchhiah thiang lovah an ngai tih an sawi a, Saitual tana DC pek chu sorkar dinglai bat a ni an ti.

SDIDC hian Congress party |awi East Block te chu Block a\anga Unit thlenga an seal dah turin an ngen nawn leh bawk a ni.