Home Minister hi Jammu and Kashmir-a venhimna hna thawh dan enfiah tur leh hmasawnna hna thawh a nih dan endik tura kal a ni a, June ni 12-a South Kashmir-a mifirfiakten an thah, Inspector Arshad Khan-a fapa kum 5 mi Ubaan Khan leh a chhungte Srinagar ah a tlawh a, Amit Shah hian Arshad Khand-a huaisenna chuan mi tam tak nunna a chhanhim a, ramin a chhuang tak zet a ni a ti.
Kum 37 mi Arshad Khand hi Station House Officer a ni a, CRPF Patrolling-a an chhuah laiin mifirfiakten lo kapin grenade hmang te in an lo bei a, amah leh sipai dang pakhat an thi a ni. Arshad Khan hian silaimu-a kahfuh anih tawh hnuah pawh a thih hma chu huaisen takin mifirfiakte hi a la kap let a ni.
