Zonet zawhna chhangin Home Minister chuan, ramri chungchang ngaithuah turin Sorkar-in Core Committee a din a, hei hi Sorkar thar hnuaiah pawh tih nun leh tawh a ni a, anni hian ramria Assam Sorkar nena thu inchuh hrang hranga Mizoram \an chhan tur lehkha pawimawhte an dap khawm a, an zirchiang mek a ni, a ti. Ramri buaina chingfel turin Assam Sorkar nen inbe dawn pawh ni se, lehkha pawimawh leh \an chhan tur mumal an nei lo a nih chuan awmze neia thil a tih theih dawn loh avangin chak taka hmalak theih earwh a ni lo niin home minister hian a sawi.
Mizoram Sorkar-in ramri chungchang ngaihtuah tura Core Committee a din chu tun hnaiah \um 2 an \hukhawm a, Committee hian Assam leh Mizoram ramri kaihhnawih lehkha pawimawh hrang hrang lakhawm tura MZP a ngen angin, MZP chuan lehkha pawimawh hrang hrang a lakkhawmte chu kar 2 vel liamta khan Core Committee Chiarman, Chief Secretary, Pu Lalnunmawia Chuango hnenah an thehlut tawh a. Hetih lai hian Survey of India a\anga Map 2 an la dawn loh chu dawn a nih theih nan New Delhi-a Mizoram House Residence Commissioner kaltlangin Home Department chuan a bawhzui mek a ni.
Ramri chungchang Sorkar hmalakna an ngaihdan Zonet zawhna chhangin MZP President, L. Ramdinliana Renthlei chuan, Core Committee ngen anga MZP-in lehkha pawimawh hrang hrang a thehluh tawh hnuah Sorkar-in a tih tur a la ti ve thei rih lo chu an hrethiam lo hle tih a sawi thung a. Dehradun-a Survey of India a\anga Map 2 hmuh belh hunah an lehkha pawimawh thehluh nen ngaihtuah tur a nih laiin, hmalakna a chak tawk lova, tun hnaia Zophai hmuna thawm an neih leh chhan pawh chak zawka hmala tura Sorkar nawrna a ni pakhat tih a sawi.
