Home Minister, Pu Lalchamliana’n Supreme Court thupek angin Home Guard-te hlawh sang zawk pe tura ruahmanna kalpui mek a ni tih House a hrilh.

0
422
views

He thu hi vawiin Budget Session-a ZPM Group Leader, Pu Lalduhoma zawhna leh zawh belhna dangte chhanga sawiin, Pu Lalchamliana chuan, Supreme Court-in Home Guard-te Allowance, Police Constable te anga pe tura thupek a siam chu State zawng zawng zawm tura tih a nih angin Sorkar hmasa pawh khan a bawhzui a, hei hi Finance department lamah a tlang tak loh avangin a la hlawhtling thei rih lova. MNF kaihhruai sorkar thar pian hnuah he rawtna hi thar thawh lehin tunah hian Finance department-ah a awm mek a, a \ha zawnga hlawhtlinna hmu turin beiseina sang tak an nei mek tih a sawi.

Home Minister chuan, Home Guard-te chu an thawkrim hle tih sawiin, an hlawh zaa 50 chu Sorkar laipui tum a ni a, tunah hian Mizoram pumah Home Guard hi 1,076 an awm mek a, tam tham pawh an nih loh avangin Union Home Ministry beisei ang leh Supreme Court thupek angin an hlawh tihpunna tur chu Finance Department lamin a phalsak mai an beisei tih a sawi a ni.