Home Minister Pu Lalchamliana’n thlathar ni 1 atanga Aizawl khawpuiah lirthei tam zawk nitin din tira intlanchhawk dan thar hman tur chu enchhina tur a nih thu sawiin, a \hat loh chuan tih tawp leh mai tur a ni a ti.

0
302
views

He thu hi vawiina Hnam Run inkhawmah sawiin Home Minsiter chuan, an party President Pu Zoramthanga Chief Minister-in Aizawl khawpui traffic Jam nasa lutuk chu a vei avangin a ti nep turin he ruahmanna hi Coordination Committee on Traffic Management in a siam a ni a ti.

Disaster management changtu nibawk Pu Lalchamliana hian Hunthar Veng lei tlahniam siamna tura National Disaster Management Authority a sum dilna chu a hlawhtlin theih loh hnuah kumin kumtira Chief Minister Pu Zoramthanga hmalakna avangin tunhnai khan cheng vaibelchhe 20 vel Nationanl Disaster Management Authority in a pawm ta tih a sawi bawk.

Pu Lalchamliana hian Mizoram Sorkara Minister of State-te chu independent charge pek vek an nih avangin Cabinet Minister-te nen an danglamna a awm lo niin a sawi a, MNF party in inthlan dawna manifesto a siam chu a tahtawla tihhlawhtlin zel a ni dawn tih sawiin martar chhungte leh ram leh hnam avanga rammute tan a bik taka ruahmanna siam a ni ang tia an intiamna pawh an theihnghilh lo tih a sawi. Hnam run Inkhawm hi party Treasurer Pu Vanlalzawma’n a kaihruai a ni.