Home Minister, Pu R Lalzirliana’n 7th Pay Commission rawtna siam anga Mizoram sorkar hnathawk te hlawh pek ve chu Sorkar mawhphurhna niin a sawi

0
1211
views

Home Minister, Pu R Lalzirliana’n 7th Pay Commission rawtna siam anga Mizoram sorkar hnathawk te hlawh pek ve chu Sorkar mawhphurhna niin a sawi. He thu hi vawiina Mizoram Junior Engineer Service Association General Conference Chaltlang Tourist Lodge a neih a hmanpuinaah a sawi a. Pu R Lalzirliana chuan, Pay Commission 7-na rawtna tihhlawhtlin chu State thu a nih chin awm mahse, Mizoramin Central Pay a rin avangin tihdanglam mai theih a nih loh thu a sawi a, engtikniah emaw chuan hman tur tho a nih avangin Sorkar pawhin a bat nia a ngaih thu a sawi. Pu R Lalzirliana chuan, hnam dang Central Service Mizorama rawn chuangkai ten hremnaa an ngai \hin chu \ha lo a tih thu a sawi a. Engineer te chu mipui leh sorkar hotuten an chungah beiseina sang tak an neih thu a sawi a, ram hmasawnna ngaihtuah kawngah leh kalphung fel tawk lo lai leh hmasawnna rahbi siam fel tumna kawngah a nawra innawr ngaih chang leh Awki sang hman \ul chang a awm thu sawiin, inhriatthiam tawn a \ul \hin a ni a ti. Pu R Lalzirliana chuan, Sorkar hnathawk rinawm lo leh inthlahdah te avangin mi \ha leh taima taka thawkte hmai a mawk \hin niin a sawi a, Sorkar hnathawk te chu an hna vawn lai atan thiamna leh hriatnaah an tling em tih mahni in enfiah fo \hin tura chahin tunlai thiamna ban pha tura inzir peih mi ni turin a chah a ni. Inkhawm hi an pawl President Pu JK Duailova’n a kaihruai a, an member thi te sunna hun an hmang a, chawhnu lamah ro an rel a, an thurel zingah Service rule hran neih Sorkara an nawr chu na zawka nawr rawtna pawh a tel a ni. JESAM inkhawmpui hian an pawl hruaitu thar an thlang nghal a, President ah Pu JK Duailova, Vice President Pu PLC Lallawmkima, Lalhmuaka Ralte, R Lalrammawia, General Secy. Pu PC Lalthanliana leh Treasurer Pi Zohmingthangi te an ni.