Hong Kong-a Polytechnic University chu police ten an la hual reng vangin lungawi lohna lantirtu mi 100 a\anga 200 vel an la tang.

0
426
views

University-a tangte hian ei leh in tur an tlachham tawh nia sawi a ni a, kar kalta a\ang khan lungawi lohna lantirtute hi university campus-ah hian an inkulh a, police te’n an luhchhuah mai loh nan mei nasa taka an chhep bakah petrol bomb-te’n police-te an bei bawk a ni.

Amaherawhchu, Police te chuan buaina siam \henkhat man an ni tih sawiin \henkhat chuan hlauh vangin an inkhungna hmun an chhuahsan niin an sawi bawk.

Hetihlai hian Hong Kong High Court-in hmai tuamna a khap sut a tum chungchang chu China-in na takin a dem a, hei hian innghirnghona nasa takin a thlen thei dawn nia ngaih a ni.

Pathianni zan khan Police te chuan lungawi lohna lantirtute chu an ram sanaa zan dar 10 hmaa an university campus chhuahsan turin an hriattir a, police te an beih zel chuan silai hman an tum tih an hrilh bawk. An hun tiam chhunga chhuak lo, lungawi lohna lantirtu mi \hahnem tak police ten Thawh\anni khan an man a, heng mite hi campus a\anga tlanchhuah an tum a ni.