Hong Kong buaina sosang chho zelah lungawi lohna lantirtu mi engemawzat, University campus-a inkhungte chu Police ten an hualbet a, tharum thawhna a thleng nasa hle.

0
103
views

Lungawi lohna lantirtu mipuite hi zing ni chhuah ruala campus chhuahsan tum an ni a, amaherawhchu, Police ten mittui tlakna hlo leh \helret silai hmangte-a an dan beh avangin an tawlhkir leh a. Chawhnu lama mi \henkhat campus a\anga tlan chhuah tumte chu Police ten an man bawk a ni.

Lungawi lohna lantirtu hmaituamte hi Polytechnic University-ah inkhungkhawmin, an zinga mi 100 vel chu leiverh a\anga chhuah an tum a, amaherawhchu, Police ten mittui tlakna hlo hmanga an dan vangin leiverh kuaah hian an tang a ni.

Police officer chuan hemi hmalam hian Cheong Wan Road South Bridge lamah university campus chhuahna a awm a, amaherawhchu, an hmaituamna leh hmanruate paih hmasa turin an ngen tih a sawi a, hetihlai hian pro democracy legislator Ted Hui chuan South Bridge pawh Police ten an dang vek a, chhuah ngaihna a awm lo niin a sawi thung. Ted Hui chuan campus-a awm zinga mi 1,000 vel chu zirlai an ni tih sawiin mi engemawzat an hliam a, an hliam enkawl thei tur medical service an koh theih loh vangin an dinhmun chu rapthlak a tih thu a sawi a ni.

Hetihlai hian Polytechnic University President, Ken Woo chuan campus chhunga awm zat chu mi 500 vel an nih tih a sawi a, university chhungah tui thianghlim in tur chu awm mahse, inhnawh puarna tur eitur engmah a awm lo niin a sawi bawk.