Hongkong ram hruaitu Carrie Lam chuan thil tisualtute China-a thawn theihna tur dan sorkarin a duan chu tih thih a ni tawh tih a sawi.

0
86
views

Carrie Lam chuan chanchinbumiten an kawmnaah he dan sorkarin a duan hi a hlawhchham tih sawiin mipui lungawi lovin an phut angin tih thih tawh a ni a ti a, rampumin an duh loh leh a tawp thlenga dodal an tum chu sorkarin a ngaipawimawhin a titawp ta a ni a ti a, amaherawhchu, Legislative Council-in a thar thawh leh hlauhna a la awm niin a sawi bawk.

Thil tisuala puhte Hong Kong a\anga China-a thawn theihna tur Dan siam tum chu tun hnu zelah pawh putluh nawn a nih lohna tura hnawl hlen ngiatin mipui tam tak Hong Kong ah an pungkhawm a, police te chuan mipui pungkhawmte chu \in darh tura ngenin, mipui pungkhawmte hian rikrum thila police te hnathawhna kawngah harsatna an siamsak thei tih an hrilh a ni. Mipuite hi a tirah chuan sorkar hmun pawimawh ber pakhat Legislative Council Complex-ah an pungkhawm a, hemi hnu hian police headquarters ah an insawn leh a, lungawi lohna lantirtute zingah hian zirlai \hahnem tak pawh an tel a ni.

Dan thar siam tum duh lohna lantira tunhnaia mi maktaduai tel tam tak an punkhawmnaah buaina a chhuak nasa hle a, police leh lungawi lohna lantirtute \um tam tak an innawr a ni.