US President Donald Trump-a puitute zinga thawk rei ber, Hope Hicks chu White House Communications Director atangin a bang dawn. Kum 29 mi, Model hlui, Hope Hicks hi kum tam tak chhung Trump-a hnuaiah a lo thawk tawh a, a thiante bulah chuan White House tana a hnathawh tur zawng zawng a thawk zo tawh tih a hrilh nia sawi a ni. Trump-a hnuaiah hian Communications Director palina a ni a, White House thupuangtu Sarah Sanders chuan Hope Hicks hi hna thiam chungchuang tak a nih thu a sawi a, Thawhlehni-a House Intelligence Committee hmaa a inlan leh a ban tur thu hian inzawmna a nei lo tih a sawi bawk. Hope Hicks hian engtikah chiah nge a hna hi a bansan dawn tih erawh puan chian a la ni lo thung.
Chanchin Thar Hope Hicks-a’n President Trump-a sorkar chhuahsan tum
