Horticulture Department hotuten zonet an hrilh danin, Lunglei Ramthara Tomato chinna hmunah pangang hi hmuh a nih thu an dawn chu Lunglei DHO hova enfiah nghal a ni a, Fall Armyworm a ni tih finfiah nimahse a thahna hlo hmanga kah a nih hnuah hmuh zui a ni ta lo a, tun thla tir lam khan Zemabawk-a changkha hmunah hmuh a ni leh a, hei pawh hi a thahna hlo hmanga kah a nih hnuah hmuh zui a ni ta rih lo a ni. Horticulture Director Pi Elizabeth Saipari chuan, tun dinhmunah pangang puang vangin horticulture thlai te la him rih mahse inring rengin an awm a, a thah na hlo pawh an inring lawk sa vek tawh tih a sawi.
