A hawnna inkhawm tawi neihah Prof. F. Lalnunmawia chuan, ei leh bara intodelh chu Chief Minister, Pu Zoramthanga’n a ngai pawimawh hle tih sawiin, MNF sorkar-in mipui an intodelh theih nana ruahmanna a siam SEDP hnuaiah nasa taka hmalak tum a ni, a ti a. Mizoramah \halai hnathawh tur nei lo \hahnem tak an awm a, chung mite tan Horticulture hnuaia hmalakna chu eizawnna leh hnathawh tur siamtu \ha tak a ni thei a, chu mi kawngah chuan \anlak a \ul a ni, a ti. Prof. F. Lalnunmawia chuan, thlai thar chhuah ringawt ni lova a sawngbawl lamah pawh \anlak a ngai tih sawiin, hei hi Sorkar laipui pawhin a ngai pawimawh a ni, a ti bawk.
He inkhawm hi Horticulture Director, Dr. Elizabeth Saipari’n a kaihruai a, District tina huan neitu ti \ha zual thlanchhuahte hnenah lawmman hlan a ni. Horti Fair 2019-ah hian dawr 81 hawn a ni a, he dawr hrang hrangah hian thei \iak, thlai, house plant, pot, lei\ha leh huan enkawlna hmanraw chi hrang hrang man tlawm zawka zawrhchhuah a nih bakah Bonsai leh Orchid show a awm bawk. He Fair hian tunkar Zirtawpni thleng a awh ang.
