Horticulture hotute hnen a\anga ZONET thudawn danin a thlawna thlai chi an sem hi a tum 3 na a ni a, kum dangah chuan District tinah loneitu thlan chhuah mi tlemte hnenah thlai chi hi a thlawnin an sem thin a, kuminah hian hri leng mekah thlaia intodelh duhna rilru pu thar an tam avang te, inkharkhip vanga thlai chi duh ang lei tur a awm mai loh avang te in department hian a thlawnin an an sem a ni.
Horticulture deptt. hotute chuan thlai chi an leikhawm te chu hmanmawh taka lei a nih avang leh mipui lam mamawhna a san avanga hmanhmawh taka sem chhuah a nih avangin endik mumal hman a ni lo tih an sawi a, thlai chi a thlawna la te zingah hralh chhawng an awm leh thin nia sawi awm chu tha lo an tih thu an sawi. Horticulture Deptt. Aizawl Circle hnuaiah vawiin thleng khan thlai chi mi 700 chuangin an la tawh a, thlai chi an sem chhuahte hi Antam lam chi, chi hrang hrang, Bawrhsaiabe, Hmarchpui, changkha, Berul, mai, Behlawi, Dhania, fanghma leh thlai chi dang te a ni.
