Horticulture Deptt. in Serchhip Bazara vawiina thlai thar kut 2019 a buatsaih chu Horticulture Secretary, Pu Rodney L. Ralte-in a hawng.

0
320
views

Hawnna inkhawm Bazar building-a neihah thusawiin Pu Rodney L. Ralte chuan Serchhip Zawlpui leh a chhehvel Mat phairuama loneitute thlai tharchhuah chu Aizawl mipuite innghahna ber a ni tawh tih sawiin, Zawlpui behchhana Agri & Horti Society mumal tak kuthnathawktuten an din chu thil \angkai niin a sawi a, an thlai thar chhuah zat te mumal taka an chhinchhiah chuan chu chu sorkar dawrnaah \angkai takin a hman theih dawn niin a sawi a ni. Secretary hian Zawlpuia thlasik thlai chingtu hlawhtling, Pu Lalzemawia, nikuma thlasik thlai a\anga cheng nuai 10 chuang lei chhuaktu a lawmpuithu a sawi a ni. Pu Lalzemawia hian kumin hian thlasik thlai, zikhlum nuai khat chuang, Bawkbawn leh Sam\awk kung 8,000 chuang a enkawl mek a ni.

He inkhawmah hian Horticulture Director, Dr. Elizabeth Saipari pawhin thusawiin Zawlpui behchhana lo leh huan siamtute chu Mizoram economic dinhmun siam \ha tu an ni tih a tarlang a, heng mite tan hian Sailiamkawnah thlai thar dah \hatna tur, Cold Chain Storage sak tuma hmalak mek niin a sawi bawk.

He inkhawm, Serchhip DHO, Pi Margaret Vanlalzami kaihhruaiah hian Agri & Horti Society Chairman, Pu PC Siamliana pawhin thu a sawi a ni.