Prof. F. Lalnunmawia hian vawiin khan Aizawl Treasury Square-a Secretariat Annex Building-a a Pisa thar a luah \an a, hemi puala inkhawm tawi neihah Mizoram Budget awmsa ni lova Central lam a\anga sum haichhuak tura \anlak a nih tur thu sawiin, Prof. F. Lalnunmawia chuan, tuna Horticulture Department-in Dragon Fruit leh a thar hun pangngai ni lova thar thei, Tomato leh Zikhlum a buaipui piah lamah thlai chi hrang hrang chin belh turin Central-ah Project thehluh a ni tawh a, hei hi Central lam pawhin an pawm ngei beisei a ni a ti a, thlai leh theia Mizoram a intodelh ngei theih nan a theihna zawng zawnga hmalak a tum thu a sawi.
Horticulture Director, Dr. Elizbeth Saipari pawhin tlangram lo neih tihmasawn turin Horticulture aia \ha zawk a awm chuang lo tih a sawi a. Hemi kawnga an hmalakna chak lehzuala hnathawktu tur Horticulture Development Board din a ni chu thil \angkai tak a nih tur thu a sawi. Prof. F. Lalnunmawia’n a Pisa a luahnaah hian Horticulture Development Board member-te leh Horticulture Department Officer-ten an \awiawm a ni.
