Hortoki khaw ram chhung, Tlawng lui kamah Chakma nia hriat, chhungkaw 6 vel awm thar tih hmuchhuak

0
251
views

Kolasib District-a Hortoki khaw ram chhung, Tlawng lui kamah Chakma nia hriat, chhungkaw 6 vel, tun hnai a\ang khan an awm thar tih hmuh chhuah a ni. ZONET zawhna chhangin Hortoki YMA hruaitute chuan Hortoki khaw ram chhung, Tlawng lui kamah heng mite hi an awm tih thuthang an hriat avangin Hortoki Joint YMA hruaituten an awmna hmun hi Krismas leh kum thar inkar khan an enfiah a, puitlingte chu rama an kal vek avangin naupang ho chauh an hmu thei a, thil awm dan chiang zawka hre tur leh ram humhalna tura thil tih zel dan tur thiam nan Hortoki VC leh Joint YMA hruaitute chuan heng mite khawsakna hmun hi naktip, tun thla ni 12, Zirtawpni khian a huhovin tlawh leh an tum a ni. Heng mite hian tualchher silai siam chawp, UT tia sawi \hin an kawl a, ramvah pawh an ching a, hmun remchang laiah ram awl vatin lo an nei mai \hin a ni. Kan Corr. thu dawn danin, Hortoki thlang lam, Tlawng lui kam thlaah hian mihring an thawlin ram awl engemawzat a awm a, khaw awm chhun, Dilzau leh a chhehvela mite chu motor-in a kal pawh loh avangin lawngleng hmanga lui dung zawha kal a ngai a, helai rama Tlawng lui kamah hian mimal huan engemawzat a awm bawk a, hengte hi Bairabi lam a\angin a thlen theih bawk a ni.

(Dinga)