Hrangbana Memorial Mizoram Badminton League vawu 3-na khel zo

0
341
views

Mizoram Badminton Association leh Zonet \angkawp buatsaih, Hrangbana Memorial Mizoram Badminton League vawi 3-na chu nizan khan khelh zawh a ni a, Zotlang Rockets-in Final-a an khingpui, Souther Acers, Siaha chu 3-1 a hnehin an Champion. Nizana MBL Season 3 kharna inkhawm, Aizawl Electric Veng YMA Hall-a neih chu Home Minister, Pu R. Lalzirliana’n a hmanpui a. Mizoramin infiamna kawng hrang hrangah nasa takin hma a sawn chho mek a, infiamna \henkhatah phei chuan India rama dinhmun chungnung a luah \an mek nia sawiin, Mizoram Badminton Association hotute ngen angin Aizawlah Badminton Hall changtlung tak sak a nih theih dan tur ngaihtuah a nih tur thu a sawi a ni. Hrangbana Memorial Mizoram Badminton League vawi 3-na Champion Zotlang Rockets hian lawmmanah Rs. 2,50,000 leh trophy an dawng a, pahnihna Souther Acers, Siaha-in Rs. 1,50,000 leh trophy an dawng bawk. He inelnaah hian Team 8 an tel a ni.