Hrileng karah chanchin ngaihnawm, midangte tanpuina tura pen chhuak te chanchin hriattur a awm belh zel a. Lunglei Ramthar venga cheng Pu L.Thangawma, kum 97 mi ni tawh chuan, hri leng mek dona turin a kutthemthiamna hmanga sum a thawh chhuah atangin cheng sang 5 chief ministers relief fund-ah vawiin khan a chhunglut a ni.

0
338
views

Pu L.Thangawma hian dawr hrang hrangin an paih mai tur bungraw tawn khawmna satha hrui phek lakhawmin Kho, Thlangra leh Hnam te a tah thin a, chung a hralhna atanga a sum khawl khawm atangin coronavirus leng mek dona tur hian Rs 5,000 chief minister relief fund ah hian a chhung lut a ni. Hrileng vanga mipui kharkhipna thupek kenkawh vangin tunlai hian Hnam leh Kho tah tur hi a nei lo a, a hunawl hi thing eh nan a hmang tangkai leh mek a, khawn engmawzat a ek khawl leh tawh a ni.

Pu L Thangawma hian eizawnna lama hlawhtling tak tak fa a nei a, mahni intodelh duh mi a nihna leh sum leh pai thehchhuaka midangte tana a inpekna hi a ropui danglam hle.