Kumin a HSLC exam hmachhawn tur Aizawl khawpui chhung Sorkar High School thenkhat zirlai Study Camp nei mekte chu vawiin khan National Students’ Union of India (NSUI) in tlawhin thilpek an hlan. NSUI te thilpek semchchuak turte hi Mizoram State Planning Board Vice Chairman Pu H. Liansailova’n a vailiam a, NSUI-in zirlai exam pawimawh tak hmachhawn turte ngaihsak a, tanpuina an pe chu lawmawm a tih thu sawiin, exam hmachhawn mai turte chu hlawhtlinna chang ngei tura theihtawp chhuah turin a fuih a ni. NSUI President Pu Lalhmachhuana pawhin thusawiin, NSUI chu Congress party hnuaia zirlaite pawl anih angin zirlaite hamthatna tur ngaihtuah leh tanpui an ngaihnaa tanpuina chu an tum ber niin a sawi. NSUI te hian Aizawl khawpui chhung a sorkar High school 10 a zirlai study camp nei mek te mamawh, ei leh in bakah zirna lam kaihhnawih hmanraw thenkhat an pe a ni.
