Hualngohmun leh Melriat inrina bula Monfort Academy leh Monfort School Building thar chu I&PR Minister, Pu Lalruatkima’n vawiin khan a hawng. School Building thar Minister-in a hawn hma hian Aizawl Bishop Most Rev. Stephen Rotluanga’n Pathian hnenah school hi a hlan hmasa a ni.

0
559
views

Hemi puala inkhawm neihah Pu Lalruatkima chuan, zirna chu ram leh hnam hmasawnna lungphum a nih avangin ngaihpawimawh loh a thiang lo a ni tih a sawi a, sorkar pawhin zirna tih hmasawn chu a ngaipawimawh hle tih sawiin, Mizo society-a chaw ei dan phung leh khawsak dan te milin sikul kal hun pawh session thar a\anga hman \an turin siam \hat a nih thu a sawi. Pu Lalruatkima chuan, chhungkua, khawtlang leh state dangah pawh mithiam, dinhmun pawimawh luah theitu an tam chu hmasawnna tehfung pawimawh tak a nih thu a sawi a, hetihlai hian Mizoram sorkar hnuaia DC, SP leh hna sang zawk luah thei Mizo zingah All India Service an tlem ta hle chu veiawm a tih thu sawiin ram leh hnam humhalhna kawngah thil pawi tak a ni thei a ni a ti. Pu Lalruatkima chuan, zirna leh All India Services leh hna sang zawk hmu thei tura beiseiawm te chu khawtlang leh Kohhran rawngbawlna kawngah pawh awl thiam a hun tawh niin a sawi a, hei hi tun a\anga tih nachang an hriat loh chuan Mizote hmabak chu a eng lo hle nia a hriat thu a sawi bawk. Pu Lalruatkima hian Monfort Academy sak chhunzawmna turin pawisa a pe bawk.

Montfort Academy hi kum 2009 khan din a ni a, tun dinhmunah zirlai 250, zirtirtu 15 an awm a, KG I a\anga pawl 8 thleng zir theih a ni a, CBSE Sylabus an kalpui a ni.

Hetihlai hian Monfort School hi kum 1997 khan din a ni a, zirlai 105 leh zirtirtu 7 an awm a, pawl 5 a\anga pawl 8 thleng zir theih a ni a, MBSE Syllabus an zawm thung a ni.

He zirna in pahnih Building thar hawnnaah hian Cultural Programme hman a ni bawk.